سچا دین

حضرت سلیمان علیہ السلام کی تروتازہ نعش ایک سال تک زمین کے اوپر

تحریر: محمد نوح (January 24, 2016)

پھر جب ہم نے ان کے لئے موت کا حکم صادر کیا تو کسی چیز سے ان کا مرنا معلوم نہ ہوا مگر گھن کے کیڑے سے جو ان کے عصا کو کھاتا رہا۔ جب عصا گر پڑا تب جنوں کو معلوم ہوا (اور کہنے لگے) کہ اگر وہ غیب جانتے ہوتے تو ذلت کی تکلیف میں نہ رہتے(سورہ سبا،34:14)

اس آیت کے تحت مفسرین نے لکھا ہے کہ حضرت سلیمان علیہ السلام تقریباً ایک سال تک اپنے عصاکے سہارے ٹیک لگائے کھڑے رہے پھر اللہ نے دیمک کے ذریعے عصا ختم کیا جس کی وجہ سے جنات کو معلوم ہوا کہ حضرت سلیمان علیہ السلام کا انتقال ہوچکا تھا۔حضرت سلیمان علیہ السلام اپنے کمرے میں تھے اور دیواریں شفاف تھیں جن سے آر پار نظر آتا تھا اس لئے جنات کام کرنے کے دوران انہیں دیکھ سکتے تھے۔اس وقت کے لوگ یہ سمجھتے تھے کہ جنات غیب کا علم رکھتے ہیں اور یہ خطرہ تھا کہ وہ لوگ جنات کی عبادت کرنا شروع کرسکتے ہیں اس لئے اللہ نے یہ کام کیا۔

اس آیت کے تحت میرے چند استدلال ہیں:

۱) انبیاء کرام کی نعش ہائے مبارکہ خواہ زمین کے اندر ہوں یا زمین کے اوپر وہ تروتازہ ہی رہتی ہیں
۲ ) چونکہ حضرت سلیمان علیہ السلام کی نعش زندہ انسان کی طرح تروتازہ رہی اس لئے جنات کیلئے ہرگز ممکن نہ ہوسکا کہ وہ ظاہری لاش کو دیکھ کر مردہ اور زندہ انسان میں فرق محسوس کرپاتے۔
۳) لوگوں کو باطل معبودوں کی عبادت سے روکنے اور جنات کو علم غیب حاصل ہونے کی حقیقت دکھانے کیلئے اللہ تعالیٰ نے خود اپنے نبی کی لاش کو زمین کے اوپر ایک سال تک رہنے دیا اورایک لاش کے ذریعے یہ کام لیا جس سے ثابت ہوا کہ کسی اہم مقصد کی خاطر لاش زمین کے اوپر رہنے دینا اللہ کی سنت رہی ہے۔

لہذاقرآن کریم کی آیت، حضرت سلیمان علیہ السلام کے واقعہ اور تفاسیر سے جو علم حاصل ہوا ہے اس کی روشنی میں باآسانی یہ بات سامنے آجاتی ہے کہ اگر آج اکیسوی صدی میں چند شہید مسلمانوں کی تازہ خون والی لاشوں کو زمین کے اوپر رکھ دیا جائے تاکہ پانچ ارب کافروں پر اللہ تعالیٰ کو خالق کائنات ،محمدصلی اللہ علیہ وسلم اللہ کے آخری اور سچے رسول ،قرآن کلام الٰہی اور اسلام سچا دین ہونا ثابت کردیا جائے تو یہ بالکل جائز ہوگا۔

جب ہم شہید مسلمانوں کی تازہ خون سمیت تروتازہ لاشوں کے ذریعے دنیا بھر کے کافروں کو اللہ کے وجود پر قابل مشاہدہ ،ناقابل شکست، غیر جانبدار ، فطری اور عملی روشن دلیل کو آنکھوں سے دیکھنے، چیک کرنے اور تصدیق کرنے کا موقع دیں گے تو دنیا بھر کے اربوں کافر مسلمان ہوکراسلام میں جوق در جوق داخل ہونا شروع ہوسکتے ہیں اور بغیر کسی جنگ کے تقریباًساری دنیا پر اللہ کے حکم سے دین اسلام کا غلبہ آسانی سے ہوجائے گاجس سے مسلمانوں کے خلاف کفار کا زور ٹوٹ سکے گا۔انشاء اللہ۔



اگر ممکن ہے تو اپنا تبصرہ تحریر کریں:

تلاش کریں

Natural, Neutral and Irrefutable Proofs on Truth of Islam
کتاب ڈاون لوڈ کریں

Shah Yaqeeq Baba